| 
Madaxweynihii hore ee Somalia Sh. Sharif iyo Dr Cali Cisman
Xaflad
aad loo soo agaasimay oo ay diyaariyeen Guddiga Somali-Americal Community
Center iyo Somali Isboorti and Culture of Atlanta ayaa dhawaan waxa lagu
qabtay Magaaladda Atlanta ee Cariga Mareykanka taa oo casumay Madaxweynihii
hore ee Soomalia Mudane Shekh Sharif Shekh Axmed,waxaana xafladaasi ka
soo qeyb galay dhamaan Jaaliyadda reer Atlanta iyadoo aan loo kala harin
si loo marxabeeyo Mudane Shekh Shariif oo ka mid ahaa Madaxweynayaashii
dadaalka weyn muujiyey intii uu xilkaasi hayey.
Waxaa ugu horeyntii halkaa khudbad qiimo leh ka jeediyey Mudane Maxamed
cabdulaahi Gabeyre oo marka hore u Mahadceliyey Madaxweynaha sida qiimaha
leh uu uga aqbalay Casuumadda ay Reer Atlanta u fidiyeen taa oo runtii
reer Atlanta u noqon doonta mid aysan waligood iloobin,waxaana uu Madxweynaha
ka codsaday in aysan noqonin safarkii ugu dambeeyey oo uu ku yimaado Magaaladda
Atlanta.
Gudoomiyaha Jaaliyadda Somali-American Mudane Inj. Cumar Shekhey ayaa
waxa uu halkaa ka xusay Taarikhda Magaaladda Atlanta iyo marxaladihii
kala duwan ay soo martay,waxaana uu Madaxweynaha Mudane Shekh Sharif ugu
hambalyeeye shaqadii uu ummadda Soomaaliyeed u soo qabtay intii uumajaraha
Wadanka hayey,waxa kaloo In Cumarow uga warbixiyey sida ay Jaaliyadda
reer Atlanta ay u mideysanyihiin wax kastana ay si isku duubnaan u fuliyaan,waxaana
uu Mudane Cumarow Tusaale u soo qaatay in Reer Atlanta ay meydka wada
duugtaan taa oo ah mid dadka degan Atlanta ay xurmad ku heleen ayuu warkiisii
ku soo dhameeyey Gudoomiyaha Jaaliyadda Mudane Cumar Shekhey.
Waxa ka dib cod baahiyaha lagu soo dhaweeyey Mudane Dr. Cali Cusmaan Cali
Gudoomiyaha Isboortiga iyo Dhaqanka ee Atlanta kana mid ah Aqoonyahanadda
Soomaaliyeed ayaa waxa uu warbixintiisa diiradda ku saaray waxqabadkii
Mudane Shekh Shariif Shekh Axmed Mudadii uu Madaxweynaha ahaa,waxaana
uu carabka uu ku dhuftay sidii Madaxweyne Shekh Sharif uu ahmiyadda u
siiyey soo celintii Qaraamadii uu lahaa Qaranka Soomaaliyeed,soo nooleyntii
Xiriirkii Calaamka,dib u dhaqangelintii soo nooleyntii Safaaradaha Soomaaliyeed
si wax loogu qabto Ummadda Soomaaliyeed ee ku nool addunyadda dacaladeyda
kala duwan,abuuritaankii ha'yadihii Amniga,dib u hawlgelintii Xabsiyadii
dalka,Ciidamadii Boliska iyo Xooga Dalka Soomaaliyeed oo uu isugu geeyey
wax alla waxii awood ah sidii labadaa Ciidanka loo dhaqaajin lahaa,unkidii
Raadio Muqdishu iyo Telefishinka Qaranka si loo helo habka ugu wanagsan
ee la isugu gudbiyo akhbaaradka iyo macluumaadka guud,waxa iyana in la
xuso u baahan sidii uu Madaxweynihii hore uga soo dhex muuqday Furitaankii
iyo Xiriitaankii Tartankii Degmooyinka Gobolka Benaadir ee Kubadda Cagta
oo uu abaabuklkeedu lahaa Mudane Maxamud Axmed TARZAN Gudoomiyaha Gobolka
Benaadir ahna Duqa Magaaladda,Tartankaasi oo ahaa midkii ugu dawaasho
badnaa inta la xusuusto,waxaana uu ra'yiga caalamka uu ku soo kordhiyey
in maanta ay Ummadda Soomaaliyeed ay Cagta saartay wadadii nabadda,arrinta
anigoo ku hadlaayo Magaca Halyeeyadda Isboortiga Soomaaliyeed oo muddo
40 sano iyo in ka badan ku soo dhexjirnay Abaabula Isboortiga Abaal uga
haynaa Mudane TARZAN oo garanaayo in Isboortiga lagu dhalin karo nabad
iyo is dhexgal,anigoo waliba raacsiisanaayo Guushii uu u soo hoyiyey Gobolka
Benaadir Tartankii Goboladda ee lagu qabtay Magaaladda Garoowe iyo sida
uu Maamulkiisa ugu dadaalay in la soo celiyo bilicdii Magaaladda Muqdishu
Caasimadda Jamhuuriyadda Soomaaliya,waxaana uu Dr. Cali Cusmaan Cali warbixintaasi
ku kasbaday Sacab badan,waxaana uu ku soo dhaweeyey Madaxweyna Shekh Skarif.
Madaxweynaha waxa uu marka hore u mahadceliyey dadkii soo qabanqaabiyey
Xafladaan sharafta leh oo ay ugu horeyso Jaaliyadda Somali-Amerikaan,waxa
kaloo uu u mahadceliyey dadweynaha Soomaaliyeed ee degan Magaaladda Atlanta,isagoo
sheegay intii Magaalo oo aan soo booqday ay Magaaladda Atlanta igu reebtay
Taarikh aan waligey iga tirtirmeynin,waxa kaloo Madaxweynaha uu dadweynaha
Soomaaliyeed u sheegay in aanu soo qabanay shaqo ruuntii aad iyo aad u
dhib badan.laakiin xilka nala saaray ayaa na farayey in aanu albaab kastaba
u garaacno si Ummadda Soomaaliyeed la iskugu dumi lahaa,loona tusi lahaa
jidka wanagsan oo saamaxaayo in mar kale Soomalia ay cagaheeda ku istaago,waxaan
u bareernay in aan habeen iyo maalin shaqeyno,in aanu juhdi badan gelino
sidii qaranimadii haadanta laga tuuray u soo celin laheyn,waxaan har iyo
habeen ku dadaali jirnay in is faham laga dhex abuuro Ummadda dhexdeeda,arrimahaasi
oo dhan waxaad mooda in laga gaaray guulo lagu xusuusan doono dawlidii
aan madaxda ka ahaa,wallow uu noo dhiman yahay waxyaabo badan oo caqabado
badan oo uu dhaqaalaha ugu horeeyo na hor istaageen,laakiin dadaalkeena
halkii aanu ka sii wadnay,waxa kaloo aan ummadda Soomaaliyeed u ifiyey
in lagu dhaqmo habka Democratic ah oo la ogolaado haddi cod dheeri ah
lagaaga guuleysto,waxaana halkaa Shekh Sharif loogu tumay sacab iyo alalaase
iyado halkii lagu qaaday heeskii caanka ahaa ee SOMALIU=YEY TOOSO,TOOSA
ISKU TIIRSADA,HADBA KIINA TAAG DARAN,TAAGEERA WALIGIIN,Waxayna xxafladii
ku soo dhamaatay si heer sare ah.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
