| 
Bisha Feberaayo waxa dalka Mareykanka oo idil looga
dabaaldegaa halgankii ay soo galeen Qowmiyadda Madaw oo ay kaga dhiidhinayeen
cadaaladaradda lagu hayey(BLACK HISTORY MONTH),taa oo ay u geeriyoodeen
Halyeeyo fara badan oo uu ugu horeeyo Dr. Martin Luther King .
Guddiga Isboortiga iyo dhaqanka ee Atlanta ayaa sanadkaan waxa uu abaabulay
xaflado looga qeyb galayo maalintaas qiimaha leh,waxaana lagu casumay
qaar ka mid ah Macaalimiinta wax ka dhigta Jaamacadaha Magaaladda Atlanta,Xubno
hore uga tirsanaa Guddiga Olimpikadda Mareykanka,qaar ka mid ahaa tababarayaasha
wax ka soo leyliya Tartamadda Olimpigadda,gabdho ka socda dalka Kenya
iyo marti sharaf badan oo ka kala socda Jaaliyadda Soomaaliyeed ee Atlanta
degan.
Waxaa halkaa ugu horeentii ka hadlay.
Waxaa ugu horeentii halkaa khudbado xiiso leh ka jeediyey ee ku saabsan
marxaladihii kala duwaan ay soo martay maalintaa iyada ah khubaro kala
duwan ee u badnaa dadyooga Madawga ah ee ku nool dalka Mareykanka ooo
qaarkood xafladaasi aad iyo aad ugu bogeen,waxaana ka mid ahaa Mr. Tim
Richardson oo hore uga tirsanaa
Guddiga Fulinta ee Guddiga Olimpigadda Mareykanka
haddana Madax u ah Ha'yadaha caawina bulshooyinka kala duwan ee ka jira
Magaaladda Atlanta,waxa kaloo iyana khudbad qiima leh oo aad iyo aad loogu
khashuucay halkaa ka jeedisay Ms Jaqueline Mattews oo wax ka dhigta Jaamacadda
GEORGE STATE oo Atlanta ku taal,waxayna ka sheekeysay Taarikhda ay leedahay
maalinta lagu magacaabo Black History Month,iyado aad iyo aad ugu mahadcelisay
Guddiga Isboortiga iyo Dhaqanka ee Magaaladda Atlanta oo soo abaabulay
Xafladaan qiimaha leh,kuwaa oo kala ah Dr. Cali Cusmaan ,Aweys Fundi,Caydiid
Jeenyo,Cali Mataan iyo Jaamacey.
Waxa kaloo halkaa ka hadlay Dr. Maxamed Cali Nuur,Mike Spino iyo Cumar
Shekehey oo ah Gudoomiyaha Jaaliyadda Atlanta,waxayna kuu dheeraadeen
marxaladihii kala duwan oo ay soo martay Maalintaa qadarinta Mudan,iyagoo
u hambalyeeye Qowmiyadaha Madaw ee dalka mareykanka.
Dr. Cali Cusmaan Cali Gudoomiyaha Isboortiga iyo Dhaqanka oo ka mid ah
shaqsiyaadka Isboortiga Soomaaliyeed aad iyo aad ugu soo kifaaxay,ayaa
waxa uu sheegay in maanta ay tahay mid aad iyo aad ugu dheer Bahda Isboortiga
Soomaaliyeed gaar ahaan kuwa Taarikhda ku leh Isboortiga,waxa uu sheegay
in Abaalkii ay Isboortiga Soomaaliyeed u soo galeen Qawmiyadaha Madaw
ee Mareykanka ay tahay mid geli doonta taarikhda baalasheeda qiimaha leh,waxaan
soo qaadan karnaa MAL WHITFIELD oo bartamihii lixdamaadkii ka soo shaqeeyey
dalka Soomaalia isagoo soo saaray Ciyaaryahano ku wanagsan Ciyaaraha Fudud
taa oo markii dambe na dhaxalsiisay in aanu ku guuleysano Tartankii Boodada
Sare ee ALL AFRICAN GAMES ee lagu qabtay Dalka Nayjeeriya oo Biladda dahabka
ah uu keenay Marxuum Halyey Cabdulle Nuur Waasughe,ka dibna keentay in
Halyey Cabdi Bile uu ku guuleysto Biladda dahabka ah ee 1500Mitir,waxa
kaloo in la xuso u baahan booqashadii ay Somalia ku yimideen Ciyaartoyda
Kubadda Koleyga ee NBAda ee KAREEM CABDULJABAA IYO OSKAR ROBERSON taa
oo kenta in Kubadda Koleyga Soomaaliyeed ay hanaqaado meelo sareyna ay
Tiigsato,waxa kaloo in la xuso u baahan Tababarihii Xulka Qaran Soomaaliyeed
ee lagu Mgacaabi jieray HERBERT V.TOBAIS oo dardargeliyey Kubadda Koleyga
Soomaaliyeed,sidoo kale RON DAVIS oo yimid Somalia horaantii sideetameyadii
waxna ka tababare Ciyaartoyda Soomaaliyeed.iyo dambeyntii Feeryahankii
Miisanka Culus ee addunka Mr. RIDDIK BOWE oo ku deeqay lacag aad u fara
badan dadkii uu asiibay dagaaladii sokeeyey ee aafeeyey Soomaliya isagoo
isla markaana la shiray Guddigii Isboortiga oo markaa daadihinaayey Guud
ahaan Isboortiga,abaabalkaa ay u galeen Isboortiga Soomaaliyeed waa mid
mar kastaba la xususan doono,ayuu Dr. Cali Cusmaan Cali yiri isagoo khushuucsan,waxaana
halkaa loogu tumay sacab aaa iyo aad u balaaran,waxaana uu u diray dhamantood
Hambalyo .
Dr, cali Cusmaan ayaa isagoo ka faa'ideysanaayo isu imaadkaa qiimaha leh,ayuu
waxa uu ka codsaday ka soo qeyb galayaasha in ay Dawladda iyo Shacabka
Mareykanka iyo Shacabkiisab laga gaarsiiyo Mahadcelin ku saabsan sida
qiimaha leh oo ay u soo dhaweeyeen shacabkii Soomaaliyeed ee ka soo cararay
Dagaaladii ahliga ahaa taa oo runtii mudan in mar kastaba la xusuusto,sidoo
kale Dr. Cali Cusmaan Cali waxa uu mahad taa la mid ah u jeediyey isagoo
ka tarjumaayo shucuurta shacabka Soomaaliyeed ka dib markii si xushmad
leh loogu soo dhaweeyey Madaxweynaha Jamhuuriyadda Soomaaliyeed Mudan
Dr. Xasan Shekh dalka Mareykanka iyo aqoonsigii ay Dawladda mareykanka
siisay Dawladda Soomaaliyeed,taa oo aan Mhad gaar ah uga hayno Madaxweyna
Baraak Obama,ayuu ku soo gabagabeeyey warbixintiisii dheered Dr. Cali
Cusmaa Cali,waxaana halkaa loogu tumay sacab aad u balaaran,waxayna xafladii
ku soo gabagabowday si farxad leh.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
