| 
Ka qeyb galka
Isboortiga waxa laga hela caafimaad taam ah,waxa mar kastaba lagu abaabiyaa
dhaalnka soo koraayo,waxa laga helaa sumcad oo aan waligaa kaa hareynin,waxa
uu horseedaa is dhexgel ,waxaana laga bartaa is maqal iyo kala dambeyn,Ispoortiga
dhaqankiisa koowaad waxa weeyey in uu diiradda saaro in la unko ciyaar
ku wajahan wanaag iyo akhlaaq san,waxa kaloo isboortiga saldhig u ah dhaqan
wanagsan oo aad u muujiso kooxdaada iyo kooxda kaa soo horjeeda iyo ugu
dambeyntii in aad si edboon ku aqbashid Guusha iyo Guuldaradda waxa erayadaasi
afkooda laga hayaa Gudoomiye Kuxigeenka Guddiga Isboortiga iyo Dhaqanka
Mudana Aweys Muse Arbow(Aweys Fuundi) iyo Xoghayaha Guddiga Isboortiga
iyo Dhaqanka Mudane Cabdulqaadir Xasan cadde(Caydiid Jeenyo).
Mudane Aweys Fuundi iyo Caydiid Jeenyo waxa ka warbixiyeen taarikhda ma
guurtada ah oo uu Guddiga Isboortiga soo maray,waxaana ay sheegeen in
udubadda loo taagay muddo haatan laga joogo 15 sano,waxaana mudadaasi
la soo qabtay Tartamo kala duwan oo ay ka soo qeyb galeen Goboladda oo
uu Mareykanka ka kooban yahay qaarkood,waxaana mar kastaba diiradda la
saaraayey in Isboortiga laga soo bilaabo gunta hoose taa oo runtii ku
socota dhabihii loogu talo galay,waxaana maanta dhalinta yaryarka ah lagu
Tababarayaa Magaalooyinka kala ah Atlanta,Tennesse,Mineapolis.Ohio.Maine,Toronto
iyo qaar kale oo ka tirsan Waqooyiga America,iyadoo aanu fuileyno in aan
goor dhaw miraheeda gurano.
Mudane Aweys Fuundi iyo Caydiid Jeenyo waxay carabka ku dhufteen in Magaaladda
Atlanta ay leedahay Aqonyahano Isboorti oo u heelan diyaarinta noocyadda
kala duwan ee Isboorti ee sanad kastaba lagu qabto magaaladda Atlanta
kuwaa oo kala ah Dr. Cali Cusmaan,Cabdirashiid Blastiko,Aweys Fuundi,Caydiid
Jeenyo,Cali Mataan,Jaamacey,Cabdirashiid Dheere,Ciise Jaamac,Cali Yuusuf,Cabdulaahi
Dheere iyo Cali Bay,oo runtii qabanqaabadda ay u sameyaan Isboortiga Atlanta
mar kastaba noqota mid aan ka go'in qulubta ka soo qeybgalayaasha taa
oo maanta Magaaladda Atlanta ay ku heshay qadarin aan la koobi karin.
Mudane Aweys Fundi iyo Caydiid Jeenyo waxay kaloo sheegeen in iskuduubnida
Aqonyahanadda Isboorti ee reer Atlanta ay keentay in maanta ay Atlanta
safka hore ka jirto Goboladda USA iyo Canada,waxaana taa daliil kaaga
ah in ay Atlanta soo booqdeen Halyeeyadda qiimaha iyo qaayaha ku leh Isboortiga
Soomaaliyeed oo kala ah,Macalin Ibraahim Suudaani,Macali Qariidi,Garsoore
Caalami Maxamed xasan Qolof,Shiikha,Maxamuud Ciise,Madaxey,Cabdi Yuusuf,Aaman,Cabdirisaaq,Nuune,Marwo
Geni,Fartuun Cali Dheere,Axmed Daahir,Bashiir Geele,Axmed Weli,Cabdulaahi
Africano,Nuur Dheere,Cabdulaahi Amiigo,Cali Dhagey,Cabdicasiis Axmed Mahdi,Xamza,Macalin
Tuke,Maxamed Faarax,Axmadey Baldi,Xarbi,Cabdisamad,Mukhtaar Cuti,Khaliif
Riiko,Cabdulqaadir caraale,Ciise.Soomaliyow,Khaldaan,Xantule,Soleymaan,Qoraa
sare Najiib Ciise,Abukar shiino iyo qaar kale oo aan halkaan lagu soo
koobi karin,waxaana ka soo qeyb galkooda uu kor u qaaday sumcadda Magaaladda
Atlanta oo dad badan ay siiyeen naaneys ah HOYGII ISBOORTIGA QURBAHA.
Ugu dambeyntii Aweys Fundi iyo Caydiid Jeenyo waxay u mahadceliyeen Gudoomiyaha
Jaaliyadda Inj Cumar Shekhey iyo Xubnaha Jaaliyadda oo runtii dadaal la
garab istaagay Guddiga Isboortiga iyo Dhaqanka,waxa kaloo halkaan ay Mahad
uga celiyeen Xawaaladaha kala ah Dahabshiil,Amal,Kaah,sidoo kale waxay
Mahad u celiyeen Xalaal Biza,Maqaayadda Daalo,Maqaayadda Xamdi iyo Maqaayadda
Madiina oo runtii dhamaantood garab istaagay Isboortiga Atlanta,waxa Kaloo
halkaan uga mahadcelineynaa Qaran Raadiyo oo door aan la iloobi karin
qaatay.
Ugu dambeyntii waxaan dadweynaha reer Atlanta loo sheegayaa in maanta
Atlanta ay Gaartay heerkaa oo aad hore markhaati uga noqoteen,iyadoo sanadkaan
la qabn doono Festifaal aad u weyn oo ay ka soo qeyb galyaan dhamaan Halyeeyo
isboortiga Soomaaliyeed Taarikh ku leh,iyadoo la doonaayo in qof kastaba
uu ka soo qeyb galo abaabulka haatan bilaabanaayo si uu u najaxo tartankaasi
qiimaha leh.waxaana warkii ku soo gabagaboobay GUUL ISBOORTIGA ATLANTA.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
