• 

  Atlanta Iyo Ohio Oo Wadjir U Xusay SYL

Waxa Magaaladda Atlanta ee Dalka Mareykanka Booqosho ku yimid Guddiga Isboortiga ee OHIO ka dib mar kii ay casuumad ka heleen Guddiga Isboortiga ee Atlanta oo ay wada shaqeyn qoto dheer ay ka dhaxeysay,labadaan guddi waxay Horumarinta Isboortiga ka wada shaqeynaayeen 12kii sano ee ugu dambeysay iyagoo mar kastaba diradda saaraayey si Ubadka Soomaaliyeed loogu barbaarin lahaa Isboortiga danta laga lahaana ay aheyd in laga weeciyo dhaqanadda Xun Xun oo Mustaqbalkooda wax yeeli kara,waxaana mooda in qorshahaasi uu meel fiican maraayo wallow lagu wada guuleysanin laakiin dhabihii saxda aheyd lagu taaganay,waxaana labadaasi guddi go'an in barta la hiigsanaayo la gaaro.

Sida la wada ogsoon yahay waxa maalmihii la soo dhaafay loo dabaldegay 69 Guuradii ka soo wareegatay markii la unka xisbigii S.Y.L. oo runtii qiimo qaali ah ku leh bulshadda Soomaali,waxa kaloo Dalkaan Mareykanka laga Xusaayey maalmo lagu xusuusanaayo Halyeeyadii reer Mareykan oo ku geeriyooday Dagaaladii hore u soo dhacay(MEMORIAL DAY),ayaa labadda guddi waxa abaabuleen tartamo Ciyaareed oo lagu weyneynaayo maalmahaasi,waxaana ku tartamaayey ciyaartoy ka kala socotay labada Gobol,taa oo tartankii la qabtay uu ahaa mid ay dadweynihii ka soo qeyb galay ay aadd iyo ugu khushuuceen,labadii Kooxood ee ka kala socotay waxay soo bandhigeen Ciyaar farsamadeedu ay aheyd mid sareysa,waxa la adeegsanaayey isu dhii dhiib gaagaaban oo si xawli ah ku socdo,waxa kaloo Ciyaartoyda labada Gobol ay

adeegsanaayeen dhaqaaq badan iyo xukunka Kubadda,mar marka qaar waxay isticmaalaayeen isu dhii dhiib dheer dheer oo keeni kara in Ciyaartoyda qaar ay dhex xuluushaan goobaha loo baneeyo,waxay farsamooyin casriyeysan ay labada koox isticmaalaan,waxay la tashiyo la sameeyaan tababarayaashooda waxa akhiritaankii Koobkii loogu dabaakldegaayey maalmahaasi hantay Kooxdii ka socotay Gobolka OHIO oo sanadkaan soo bamdhigay Ciyaar casriyeeysan oo dadweynihii reer Atlanta ka yaabisa,waxaana halkii loogu tumay Sacab lagu dhiiri gelinaayey Kooxda reer OHIO madaama ay mudanyihiin,waxayna Abaalmarintii sanadkaan lagu tartamaayey la baqoolay reer OHIO.

Waxa maanta Guddiga Isboortiga iyo Dhaqanka oo kala ah Dr. Cali Cusmaan Cali,Aweys Fundi,Caydiid Jeenyo,Cali Mataan,Jaamaca Cali,Tababare Maxamed Xaaji Giftin oo hoer u ahaa Tababaraha Xulka Qaranka Soomaaliyeed,Inj Daahir iyo dhamaan Bahweynta Isboortiga ee reer OHIO,waxay hambalyo iyo bogaadin u jeedinayaan Mudane AXMED DIESHE oo ka mid ah dhalinta ku soo barbaartay Isboortiga Atlanta isla markaana ah Milkilaha Garoonka dadan ee lagu fuliyey Ciyaarihii dhexmaray Atlanta-Ohio oo runtii gartay in uu dhiso garoonkaasi oo

fududeyn doono in Bahweynta Isboortiga ay ku abaabulaan tartamadda fooda nagu soo haya,waxaana Axmed Dieshe leenahay waxaad Ummada Reer Atlanta u qabatay waa arrin taarikhda kuu geli doonta,door wanagsanna ka qaadan doonta hirgelinta Isboortiga ee Atlanta.waxaana xafladii ku soo dhamaatay guul.

W/D Dr Ali Osman

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line