-
20th Aniversary Of Coming To Somali Week, Toronto Canada:1989-2009
|
||
|
WASHINGTON
SOMALI STARS: Washington
Somali Stars 2009:
Washington Somali Stars waxay soo shaacbaxday bishii July 1983 waana kooxdii Somaliyeed ee kubadda cagta ugu horeeysay ee Waqooyiga Ameerika laga dhiso. Ciyaartooydii ugu horaysay ee hirgalisay kooxda Washington waxaa ka mid ahaa: Abuukar Shaash, Cabdulahi Somaliyow, Xaaji, Saadaq, Nuure, Faisal, Jamaal, Marshaale, Khalif Riike, Cabdi Bile,Siciid Nur, Bileey, Mohamed Geedi, Shire, Xarbi, Saantoos, Labaatan, Warfaa, Shire, Aaxoow,Cabaas, Taabo, Nuuradiin, Axmed Dhegawayne, Ibraahinow, Daa’uud , Caato, Mustaf Siraaji, Maxamed Qasim, Burhan Adan, Cabd-Kayt, Santuur, Jeego, Qasse, Cali Beeldaaje, Moxamed Xayder, Cabdirisaaq Shigshigoow, Yasir, Xassan Bul Bul iyo ciyaartooy kaloo faro badan. Sagaashaneeyadii iyo wixii ka dambeeyana, waxaa ku soo biirey dhalinyaro badan oo eey ka mid yihiin Cabdulqadir Caraale, Muhktaar Macoow, Axmed Salaan, Cabdiqani Hiirad, Diino,Cali dhuux, Caydaruus, Saalim, Ciise, Xassan Mire, Maxamed Khaliif, Xassan Shanghani, Cali Sheikh (Carab), Mustafa Baltimore, Khalaf, Musllimiin, Ismaaciil, Mustafa Richmond, Cali Reston, Sharmaarke, Jaamac, iyo kuwa la mida ah. Sidoo kale dumar badan ayaa Kooxda Washington Stars soo jiritaankeedii hiil iyo hooba u hibeeyey. Saynab Shaash iyo Nura Cabdi Buraleh ayaa lagu tilmaama iney yihiin hooyooyinkii kooxda waayo had jeer waxay soo ta’kuleen jireen kooxda ilaa iyo markii la beerey. Sidoo kale waxaa taageero badan siiyey kooxda, Nasra Xusien,Leymoon Sabriye, Rooda Xassan , Raxmo, Caasha Salaan, Naciima Darafeey, Hinda Caarif, Hinda Buraleh, Foos Axmed(Toronto) Canab Axmed( Toronto) iyo eedo Asli (Toronto). Boston ayaa iyana koox kubadda cagta ka dhisantay 1985 kii oo la tartami jirtay Washington. Hase yeeshee Washingon Somali Stars inta badan waxay ka qayb gali jirtay Washington Metro International Tournament oo jaaliyadaha ajanibiga ah ee degin Washington DC ku baratami jireen. Kooxda Washington Stars laba sanno oo xiriir ah ayeey final kii timid (1987 & 1988). Kooxda Somali
Washington Stars waxay soo halgamaysay in ka badan 26 sannadood, welina
sanad walbna sii xoogaysansa. Waxaa intaas u dheer sumcad wanaag iyo xushmad
eey qeerkeed ku dhaaftay. Ka dib markii udbaha loo aasay, Kooxdu waxay
soo martay marxalado aad u kala duwan isla markaana samaynayey horumar
walaw uu horumarkaasi kala xawli badnaa hadba heerka iyo marxaladaha la
soo marayey dhawr iyo labaatankii sannaddood ee la soo dhaafay. Asbaabaha
ugu waawayn ee Kooxdo mudaadaas dheer ee 26 ka sanaddood u soo kifaaxdeyna
waxaa ka mid ah : Washington Somali Stars oo nasiib wanaag u heshay hogaan eey ka midyihiin ciyaartooy horey Somalia uga soo ciyaartay oo khibrad iyo waayo arragnimo ku haga kooxda. Laacibiintaas oo muruqooda, maalkooda iyo maankoodaba u hibeeyey kooxda waxaa ka mid ah Khaliif Riiko ( Dekedaha Xamar), Abuukar Shaash, Faisal Maxamed(Waggad), Cabdulahi Somaliyow( Dekeddaha, Kismayo), Saadaq(Gaadiidka) Cabulqadir Caraale ( ciyaaraha fudud, Horseed) , Cabaas Cabdi iyo Siciid M. Nuur etc. Dhalinyaradaas oo qaarkood xulka kubadda cagta ee Somaliya u soo saftay, runtiina mar walbana ku jirto qiiro Soomaalinimo isla markaana talo iyo tusaaleba la garab taagan cayaaraha Soomaaliyeed meel kastaba ha ku sugnaadaanee. Waxay muujiyaan xil dheeraad ah iyo xusul duub ay wadaan laacibiintaas kor ku xusani, iyo hamuun u qab horumarka cayaaraha Soomaaliyeed. Dadaalkaasi inkastoo uu soo taxnaa oo welina halkaas eey ka sii miisayaan dadaal joogta ah iyo dhabar adayg, misna tirada dhalinyaradaas oo aan badnayn ayaa ku guulaytay in eey mudadaas rubuc qarniga ka baddan soo wadeen kooxda Washington Somali Stars.
Gudoomiye WashingtinStars@Comcast.net
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
