• 

  Kulamadii ugu dambeeyay tartanka K/Cagta Soomaalida Jidda

Ciyaaro ka tirsanaa Koobka Horyaalka Jaalliyadda Soomaaliyeed Magaalada Jidda Boqortooyada Sacuudi Carabiya isaga horyimid taariikhdu markey aheyd 04/05/2012 kooxaha Xiddigaha Ruweys iyo S Y L – Boondheere iyo Godey– Muqdisho iyo Dekedaha - Jiin webi iyo Somali fruit .

Aan ku horeyno ciyaarta dhexmartey Kooxda Xiddigaha Ruweys iyo S Y L ciyaartaasi waxaad moodaa inay xiiso gooni laheyd waayo kooxda Xiddigaha Ruweys iyo Kooxda S Y L waxey lasoo shirtageen ciyaaryahanadoodii ugu wanaagsanaa wallow ay aad u cadcadaayeen inamadii ku ciyaarayey Magaca Xiddigaha Ruweys

labada kooxoodba waxey ku soo galeen garoonka firfircooni , waxa lawada hardamo leysna weeararo qeybtii hore ee ciyaarta waxey kusoo gabgabowdey 1 : 0 . oo ciyaarayahan C/fataax gool qurux badan ka dhaliyey kooxda S Y L

Qeybta labaad ee ciyaarta ayaa Kooxda xiddigaha Ruweys wax ka bedeshey habkii ama (system ) qeybtii hore ee ciyaarta waxey jihadii laga filaayey u bedeleen jiho kale waxaana ciyaaryahanka lagu magacaabo C/fataax iyo Mustafa Zola una kala sita lambarka 11. Iyo 9 kooxda ruweys ayaa waxey noqdeen kuwo ay maara u waayeen kooxdii SYL isla markaana shabaqooda goolal ku hubsadeen iyadoo ay halkaasi 3 : 0 guusha ku raacdey kooxdii Xiddigaha Ruweys waxaa halkaasi la himaami Karin welina la moodayey inuu ka ciyaarayo Garoonkii weynaa ee Istaadiyo Muqdisho Ciyaaryahan Wiinkeey oo Naadiga Madbacada Qaranka u ciyaari jirey waagii berisamaadkii isagoo maamulka garoonka gacanta u geliyey ciyaaryahanada naadiga xiddigaha Ruweys .

Ciyaartii labaad ayaa iyana waxaa fooda is darey Kooxda Boondheere iyo Kooxda Godey ciyaartaasi waxaa la dhihi karaa mid labada kooxood ba ay isku awood ahaayeen. bilowga ilaa iyo dhamaadka ciyaarta waxey labada kooxdood ku soo bandhigeen ciyaar heerkeeda farsamo aad u sareyso waxeyna isku mari waayeen 1 : 1.

Ciyaartii sadexaad ayaa iyana waxey dhexmartey kooxaha Jiin Webi iyo Somali fruit runtii waxey iyana ciyaartaasi aheyd mid adag ,labada kooxood ay isku awood ahaayeen iyadoo kooxda Somali fruit ay la soo shir tageen ciyaaryahanadii looga bartey , kooxda kale ee jiin webi iyana ciyaartasi aad moodey inaysan ka soo tegin ciyaaryahanadeeda kuwa ugu fiican waxey halkaasi ugu awood sheegteen kooxda Somali fruit inay 2 : 1 kaga badiyaan .

Ciyaartii afaraad ayaa iyana waxaa halkaasi kuwada kulmey kooxaha Muqdisho iyo Dekedaha ciyaartasi waxey aheyd ciyaar adag oo labada kooxood ay u muuqdeen kuwo awoodoodu isku dhowdahay guntii iyo gebgebadii waxaa isku mari waayeen 1 : 1.

BY Maxamed Aweys

Guddoomiyaha Jaaliyadda Sport-ga Soomaaliyeed ee Jiddah

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line