-
Muqdisho iyo Galkacyo oo laga badiyay Tartanka K/Koleyga ee ECAIBCC
|
||
|
Waxaa Magaalada Kampala ee dalka Uganda si habsami leh ugu socda Tartanka Cayaaraha Kubada Koleyga ee Magaalooyinka Bariga iyo Bartamaha Africa ECAIBCC, kaasi oo ay ka qeyb galayaan illaa iyo 15-koox oo Labo mid ah ay ka socdaan dalka Soomaaliya, gaar ahaan Magaalooyinka Muqdisho iyo Galkacyo.
Kooxda Galkacyo ayaa Kulankooda ugu horeeyay waxa ay la dheeleen Kooxda Kampala ee dalka Uganda, iyadoona Cayaartaasi ay kusoo idlaatay 69 - 80, oo ay guusha ku raacday Kooxda Kampala, Sidoo kale Kooxda Muqdisho ayaa Kulankeeda ugu horeeyay la cayaartay Kooxda Jinja ee dalka Uganda, iyadoona Cayaartaasi ay kusoo idlaatay Muqdisho 41 - Jinja 86.
Galkacyo ayaa iyadu dhibco ka heshay Kooxda Muwanza oo aan Cayaaraha soo xaadirin, waxa ayna kooxda Galkacyo leedahay rajo ah in ay usoo gudubto Wareega Semefinalka, hadii ay ka guuleysato Kooxda Entebbe oo ay la cayaari doonto Maalinta Khamiista 02-05-2013 | time 16:00.
Muqdisho ayaa ku jirta Group-ka dhimashada marka loo eego kooxaha ay isku Group-ka yihiin, iyadoona Labada Kulan ee Wareega 1-aad ugu harsan ay la cayaari doonaan (Muqdisho vs Kampala = Arbaco, 01-05-2013 | time 21:00) sidoo kale Maalinta Khamiista (Muqdisho vs Mukono = Khamiis, 02-05-2013 | time 18:00).
Daawashada Cayaarta waxaa goob joog ka ahaa Mas'uuliyiin ay ka mid ahaayeen, Guddoomiyaha Zone 5, ee GOS, Abuukar Hiraabe Bakar oo ka mid ah Wafdiga la socda Kooxda Muqdisho, Eng. Baana Abdalla Ali oo ka mid ah Guddiga ECAIBCC, Agaasimaha Isboortiga Gobolka Banadir Walker, Guddoomiye Kuxigeenka XSKC C/rashiid Xasan Bakin, Hogaamiyaha Kooxda Galkacyo C/qani Carabey, Madaxda Guddiga ECAIBCC, iyo qaar ka mid ah Jaaliyada Soomaalida ee ku dhaqan dalka Uganda.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
