-
Mudane Dahir Cali Kulmiye Oo Furay Koobkii Dhalinta Cuslaatay
|
||
|
Waxaa magaalada Toronto ciyaar aad u xiiso badan isaga hor yimid kooxda Somali Stars Washingto DC iyo Toronto All Stars. Labadan kooxood ayaa waxay u tartamayaan koob loogu magac daray koobka dhalinta cuslaatay.
Ciyaartooyda labadan kooxood ayaa intoodi badan waxay yihiin ciyaartooydii hore ee heerka kowaad (Serie A). Mudane Dahir Cali Kulmiye oo hogaminaayey wafdigii ka yimid magaalada Londan, UK ayaa ciyaartani furay.
Ciyaartan oo aad u xiiso badnayd ayaa ugu dambeyntii waxay ay 2-1 guusha ku raacday Toronto All Stars. Goolashii Toronto waxaa u kala dhaliyey Cabdi Adan (Ex Waxool) iyo Mukhtar Cuti (Ex Batroolka). Goolka Washington DC oo ahaa Rigoore (Penalty) waxaa shabaqa si qurxoon ugu hubsaday Sharmarke.
Caraale iyo Soomaaliyow oo ka mid ah madaxda kooxda Washingto DC ayaa dhamaadka ciyaarta sheegay in ciyaarta labaad ay isa soo xoojin doonaan, guushana ay raaci doonto. Xassan Xarbi iyo Dr. Yusuf Shaqaaq oo ku hadlayey magaca Toronto All Stars ayaa iyaguna sheegay in Washington ay isu diyaariso guul darro labaad.
Waxaa la yiri: "Fardo leesla fuulo maxaa leesaga Faani". Bal aan eegno ciyaarta labaad iyo kooxda ay guusha raacdo W/D Mohamed Busuri Sawir Qaade: Mohamed Ganey
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
