| 
Shir
maalmahan uga socday xiriirka kubadda kolayga ee dalalka Jaamacadda carabta
magaalada Qaahira ee dalka Masar ayaa waxaa muddo labaatan sanadood ku
dhaw ka dib mar kale xubinimada guddiyada xiriirkaasi loogu doortay xubin
ka mid ah xiriirka kubadda kolayga Soomaaliyeed.
Xoghayaha xiriirka kubadda kolayga soomaaliyeed Eng Baana Cali (Labaad
dhinaca bidix sawirka sare) ayaa loo doortay in uu xubin buuxda ka noqdo
guddiga xiriirada iyo doorashooyinka ee xiriirka kubadda kolayga dalalka
jaamacadda carabta taasoo ka dambaysay dadaal dheeraad ah oo ay xiriirka
Soomaaliyeed guud ahaan gaar ahaan Eng Baana uu ku mutaystay ka mid noqoshada
guddigan waxaana ay taasi guul u tahay xiriirka oo sanadihii ugu dambeeyey
muujiyey dadaal dheeraad ah.
Xoghayaha xiriirka Soomaaliyeed ee Kubadda Koleyga oo aan kala xariirnay
magaalada Qaahira ayaa sheegay in uu aad ugu faraxsan yahay ka mid noqoshada
guddigan wuxuuna sidoo kale aad uga faalooday faaiidada ay xubinimadani
u leedahay xiriirka soomaaliyeed. "Run ahaantii markii hore waxba
kama aanan ogayn dhaqdhaqaaqyada ka socda xiriirkan waxaana dhici jirtay
in marmarka qaarkood naloo diido in aan ka qaybgalno cayaaro ay jaamacadda
carabtu yeelanayso ayadoo sababo loo samaynayo waxaanse rajaynayaa in
aysan taas oo kale dhici doonin hadda wixii ka dambeeya isla markaana
aan heli doono warar toos ah" ayuu yiri Eng Baana Cali.
Maxaa kal hore loo siin waayey xubinimadan Soomaaliya ayaan waydiiyey
Baana waxa uuna uga jawaabay, "Markii hore waxaa aad u yaraa xiriirka
aan la lahayn xiriirada caalamiga ah iyo waliba shirarka aan ka qaybgali
jirnay oo yaraa sababaha dagaalada awgood, waxaanan ku qasabnay hadda
in ay muhiim tahay xubinimadayada isla markaana aan mudanahay taasoo ay
garawsadeen".
Eng Baana oo asagu kulankan u matalayey Soomaaliya ayaa dhinaca kale ka
hadlay kulan uu la kulmay guddoomiyaha xiriirka jaamacadda carabta ee
kubadda kolayga Talal Bin Badar Bin Saud Bin Abdul Aziz ka dib markii
loo doortay xubinimada wuxuuna sheegay in uu xiriirka Soomaaliyeed aad
ugu amaanay dadaalka ay ugu jiraan horumarinta kubadda kolayga ayagoo
dagaal iyo dhibaato ku jira ayna wax badan ka wanaagsan yihiin dalal nabad
ah wuxuuna ugu hambalyeeyey Eng Baana xubinimada loo doortay.
Bahda K/koleyga waxa ay hambalyo u dirayaan xiriirka Soomaaliyeed ee kubadda
Koleyga iyo Eng Baana sida ay had iyo jeer ugu dadaalayaan horumarinta
kubadda kolayga marka aad ka eegtid dhinacyo badan sida ka qaybgalka cayaaraha
caalamiga ah, ka qaybgelinta cayaartoydii iyo macalimiintii hore sare
u qaadida kubadda kolayga.
Haddaba haddii aad doonayso in hambalyo aad dirto fadlan noogu hagaaji
Emailka shiikha50@hotmail.com
Wixii faallo ka bixin ah (Comments) ku soo hagaaji: info@xiddigaha.ca
W/D Shiikha
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
