|
Waxaa xaflad
soo dhaweyn ah maqaayada Daba Gooye loogu qabtay ciyaartoygii hore ee
kooxda Gadiidka iyo gobolka jubada hoose Cabdalla Saalim “Saalimow”.
Xafladan
ayaa waxaa si weyn usoo qaban qaabiyay Faris Charles, Nuuraye, Suldaanka
Bajuunta Mudane Cumar Maxadi C/Qaadir, Cabdi Maxadi C/Qaadir, iyo Xamadi
Bakri (Ciyaartooygii kooxda Jubadda hoose).
Xafladan oo jawi qurxoon ku dhacday ayaa waxaa ka soo qeygalay dad aad
u tiro badan oo ay u badan yihiin bahweynta sportige ee Toronto.
TAARIIKH
CIYAAREEDKII SAALIMOW OO KOOBAN
Cabdalla
Saalim Cabdulqaadir oo ku magac dheer Saalimow, wuxuu ku dhashay magaalada
Kismayo
Saalimow yarantii ayuu aad u jeclaa kubadda cagta wuxuu ku ciyaari jiray
xeebta iyo xaafadaha.
Sannadkii 1969 kii ayuu markii ugu horeeysay garoon galay isagoo u ciyaaray
kooxdii la oran jiray BB oo ahayd koox reerka 2aad (SerieB) ah kana dhisan
Kismayo.
1970 ayaa kooxdan loo bixiyay magaca ENB Ente Banana. Isla sannadan ayaa
kooxdani ay ku guuleysatay koobkii iyadoo ciyaartii finalka ay isaga horyimadeen
kooxda Dekadaha. Ciyaartani ayaa waxay ka dhacday garoonka Wamo.
Sannadkii
1976dii ayuu Saalimow ku biiray kooxda Dekadaha ee magaalada Kismayo,
isagoo heshiis hal sanno ah la galay.
Isla sannadkii 1976 bishii seddaxaad ayuu Saalimow ka mid noqday ciyaartooydii
gobalka Jubbada hoose, iyagoo koobkii ciyaaraha gobolada ku guuleystay.
Markii ay dhamadeen ciyaaraha gobolada ayaa Saalimow waxaa qaadatay kooxda
Dowladda hoose (Munishiibiyo) ee heerka kowaad (Serie A). Arritani ayaa
waxaa si weyn uga soo horjeesatay kooxda Dekadaha ee Kismayo oo sheegtay
inuu ciyaartooygani hal sanno heshiis ah la saxiixday, sidaa daraadeedna
aanu koox kale u ciyaari karin.
Kooxda Dekadda ayaa Saalimow u sheegtay haddii uu rabo inuu ka ciyaaro
ciyaaraha heerka kowaad ee Muqdisho, kooxda keliya ee uu u ciyaari karo
iney tahay kooxda Dekadaha ee Muqdisho.
Saalimow wuu diiday inuu u ciyaaro kooxda Dekadaha, sida daradeed isaga
iyo Munishiibiyo waxay go’aansadeen inta laga gaarayo 1977 oo ah xiliga
uu ka dhacayo heshiiska uu kula jiro kooxda Dekadaha inuu iskala jii joogo
kooxda Munishiibiyo mishaarkiisana qaata isagoon ciyaarin.
Dhamadkii 1976dii ayaa guddoomiyaha kooxda Munishiibiyo loo magacaabay
nin la oran jiray Jimcale Xaayow. Jimcaale ayaa Saalimow u sheegay inuu
u ciyaaro kooxda heerka labaad ee Munishiibiyo.
Saalimow ayaa la tashtay Karaama dhagey. Karaamana wuxuu kula taliyay
inaanu dib ugu soo noqon Serie B. Sida awgeed Saalimwo wuu diiday inuu
u ciyaaro kooxda Serie Bda.
Saalimow wuxuu codsaday in la fasaxo balse waa loo diiday.
Sannadkii 1979kii ayuu u dhoofay dalka Sacuudiga.
1980 ayuu dib ugu soo laabtay dalka isagoo ka mid noqday ciyaartooyda
kooxda Gadiidka ee heerka kowaad (Serie A) ee uu markaasi tababare u ahaa
Cabdixamiid Yacquub Saalim tababre ku xigeena ka ahaa Mansuur Axmed Saciid.
Saalimow wuxuu kooxda Gadiidka ka tirsanaa ilaa iyo sannadkii 1985tii
isagoo guul badan la qeybsaday kooxdiisa.
Sannadkii 1986 ayuu haddana u dhoofay magaalda Adan ee dalka Yemen, wuxuuna
ku biiray kooxda Al-Shacab. Kooxdan ayaa iyadu ahayd koox aad u liidatay
intaanu ku biirin Saalimow.
Wareegii kowaad ee horyaalka waxaa kooxdan 6-0 kaga badisay kooxda Abyan
Casan.
Wareegii labaad markii uu kooxda kusoo biiray Saalimow kooxda Al-Shacab
waxay Abyan kaga badiyeen 1-0, iyadoo weliba Saalimow uu goolka guusha
dhaliyay.
Sannadkii 1988dii ayuu Saalimow ciyaaraha ka fariistay isagoo markale
kusoo laabtay Muqdisho.
Dagaalka kadib wuxuu u dhoofay Kenya isagoo halkaasi joogay ilaa iyo sannadkani
2013 ee uu soo galay Canada.
Haddeer Saalimow wuxuu ku nool yahay magaalada vancouver ee wadkana Canada
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
