| 
Guddiga Isboortiga iyo dhaqanka ee Magaaladda Atlanta
isagoo fulinaayo qodobadda Dastuurkiisa ayuu waxaa uu ku dhaqaaqay talaabo
ku dayasho mudan ka dib markii uu soo abaabulay tartamo Kubadda Cagta
ah oo ay ka qeyb galayaan dhalaan da'doodu u dhaxeyso 9sano-12sano,kuwa
oo farsamo ahaan marka loo fiiriyo ah Ciyaaryahano u jajaban xirfadda
Kubadda Cagta,waxaana Kooxahaasi gacanta ku hayey Halyey Cabdulqaadir
Xasan Cadde(Caydiid Jeenyo)oo ka mid ah aasaasayaashi Guddiga Isboortiga
iyo Dhaqanka isla markaana ah Tababare haysta Shahaado Kubadda Cagta oo
ay bixiyeen ha'yado ka dhisan Magaaladda Atlanta ee looga dambeeyo soo
saarida Tababarayaal aqoon durugsan leh.
Furitaankii Tartamadda waxa ka soo qeyb galay Bulsho weynta ku nool Magaaladda
Atlanta oo ay ka mid ahaayeen Waaliidiinta dhalay Caruurta Tababarka loo
furay,Guddiga Isboortiga,Guddiga Jaaliyadda iyo Xubno ka socday Ha'yado
kaalmeeya arrimaha Bulshada iyo dhalinyaradda oo ay ka socdeen laba nin
oo magacyadoodu kala yihiin TIM RICHARDSON (CEO.LEGACY INTERNATIONAL)
iyo MIKE SPINO(ITEGRAL ATHLETIC TRAINING CENTER)oo labaduba saxiibo dhaw
la ah Guddiga Isboortiga iyo dhaqanka.
Waxaa ugu horeentii halkaa ka hadlay Tababaraha Kooxdaasi Mr. Caydiid
Jeenyo iyo Kaaliyihiisa Mr. Jaamacey waxaayna si kooban uga hadleen marxaladihii
kala duwanaa ay kooxdani soo martay iyo halka ay maanta joogaan farsamo
ahaan,waxayna carabka ku adkeeyeen in ay haystaan Koox lagu kalsoonaan
karo oo mustaqbalka daafici doonta Magaca Magaaladda Atlanta,waxay kaloo
sheegeen in ay ka qeyb geli doonaa Tartamadda bisha March ka dhici doona
Gobolka OHIO magaaladda Madaxdiisa ee COLUMBUS oo ay ku tartami doonaan
dhalinyaro aad u da yar oo loo diyaarinaayo mustaqbalka.
Waxa kaloo halkaa ka hadlay Gudoomiyaha Jaaliyadda Soomali_American Mudane
Injineer Cumar Shekhey iyo Gudoomiye Kuxigeenka Guddiga Isboortiga iyo
Dhaqanka Mudane Aweys Fuundi,waxayna labadooduba amaaneyn dadkii ka soo
shaqeeyey oo ay ugu horeeyaan Tababarayaasha,waxayna kula dardaarmeen
in la labanlaabo dadaalka lagu barbaarinaayo dhalaanka soo koraayo arrimaha
Isboortiga.
Waxaana ugu Dambeyntii halkaa ka hadlay Dr. Cali Cusmaan Cali,Tim Richardson
iyo Mike Spino oo marka hore amaanay shaqada la soo qabtay oo ah mid runtii
ku fadhida ahmiyad aan la qiyaasi karin madaama ay si toos ah u taabaneyso
mustaqbilka dhalinyaro Soomaaliyeed,waxay wax weyn ka tareysaa Waxbarashadooda,waxa
caawineysaa caafimaadkooda,waxay ka weecineysaa wadiiqooyinka xun xun
oo mustaqbilkooda wax yeeli karta ayey ku soo gabagabeeyeen iyago ay ka
muuqato shucuur aad u sareysa,waxayna furitaankkii ku soo dhamaaday si
farxad leh.
W/D Dr Ali
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
