-
Barcelona Oo Dhulka Ku Jiiday Real Madrid
|
||
|
Horyaalka Spain oo gabagabo ku dhow ayaa waxaa hogaamineysa kooxda Barcelona iyadoo ay kaalinta labaadna ku jirto Real Madrid. Hadaba labadan kooxood oo iyagu isku daba dhegan ayaa waxay isaga horyimadeen garoonka Bernabeu ee kooxda Real Madrid. Ciyaartan ayaa daawashadeeda waxaa garoonka soo camiray taageereyaasha labad kooxood oo iyagu isku ah deb iyo biyo. Kooxdda Real oo markaa laga horeeyay 4 dhibcood ayaa rajeyneysay iney wax xogaa dhibco ah kala harto Barcelona. Halka Barcelona iyaduna ay ku soo talo gashay iney dhibcaha ay ka horeyso Real sii kordhiso si ay ugu sii dhawaato hanashada horyaalka Spain ee La Liga. Bilowgii ciyaarta ayaa Barcelona gool lagaga naxsaday iyadoo daqiiqadii 14aad uu G. Higuain uu gool u saxiixay kooxdiisa Real Madrid. T. Henry ayaa Barcelona u dhaliyay goolkii bar bardhaca daqiiqadii 17aad. C. Puyol iyo Messi ayaa iyaguna daqiiqadihii 20aad iyo tii 35aad Barcelona u kala dhaliyay goolkii 2aad iyo kii 3aad. Qeybtii hore ee ciyaarta waxaa lagu kala nastay Barca oo 3-1 ku hogaamineysa. Nasashadii kadib markii leesugu soo noqday ayaa Real dar dar la soo gashay garoonka iyadoo goolkeedii labaad uu . Ramos daqiiqadii 56aad shabaqa ku hubsaday. Inta kadib ayaa Real is tiri alleylahee goolkii 3aadna iska soo gudo.Arrinta sidaa ma noqon oo Barcelona ayaa seddax gool oo daran doori ah halkaasi ka dhalisay iyadoo ay u saxiixeen Henry, Messi iyo Piqué. Sidaana 6-2 ay Barcelona dhulka ugu jiiday Real Madrid iyadoo hadder aruursatay 85 dhibcood. Halka Real ay leedahay 78Kaalina 3aadna waxaa ku jirtay Sevillia oo leh 60 dhibcood. Tartanka dhaliyeyaasha waxaa 27 gool ku hogaaminaya Eto'o. David Villa (Valencia) ayaa isagana dhaliyay 26 goal. Halkan Ka Daawo Ciyaartii Real Madrid Iyo Barcelona
W/D Mohamed Busuri
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
