• 

  Somali Soccer Week Toronto 2012 oo si rasmi ah u Furmay

Waxaa magaalada Toronto si rasmi ah uga furmay tartankii Somali Soccer Week 2012. Xafladdii furtitaanka ayaa waxaa ka soo qeybgalay ciyaartooydii hore iyo marti sharaf kale oo aad u tiro badan.

Xiddighii hore ee kooxda Wagad Dr. Cumar Ganjab ayaa si rasmi ah tartankani u furay.

Ciyaartii kowaad ee furitaanka waxaa wada ciyaaray kooxda Iftin iyo Dixon Fc.

Bilowgii ciyaarta Kooxda Dixon ayaa 2 gool ku hormartay. Qebtii hore ee ciyaartana waxaa lagu kala nastay 2-0 oo ay ku hogaamineyso Dixon.

Qebtyii labaad ee ciyaarta ayaa kooxda Iftin ay dhalisay gool. Gabagabadii ciyaartana Dixon ayaa 2-1 ay guusha ku raacday.

Ciyaartii labaad ayaa waxaa fooda is daray kooxda Somali United oo haystay koobkan loo tartamayo iyo kooxda Hilac Fc.

15 daqiiqo markii ay socotay ciyaarta ayaa Hilac Fc ay gool kaga naxsatay Somali United. Wax xogaa kadib United goolkii bar bar dhaca oo Rigoore ah ayay dhaliyeen.

Qebtii hore ee ciyaarta markii ay ka harsaneyd 10 daqiiqo ayaa haddana Hilac ay dhalisay goolkeedi 2aad.

2-1 oo ay ku hogaamineyso Hilac ayaana lagu kala nastay.

Qebtyii labaad ee ciyaarta ayaa United ay hurdada ka toostay iyadoo halkaasi ay ka dhaliyeen 3 gool oo xiriir ah.

Gabagabadii ciyaarta 4-2 ayaa kooxd Somali United ay guusha ku raacday

Waxaa xusudi mudan in kooxaha Hilac iyo Dixon Fc ay yihiin labada kooxood ee ugu da'da yar dhamaan kooxaha ka soo qeybgalay tartankani.

Ciyaartooyda labadan kooxood ayaa waxay da'doosa u dhaxeysaa 14 ilaa iyo 20 jir.

Waxaa hubaal ah in labadan kooxood ay yihiin kooxaha mustaqbalka ee Toronto

W/D Mohamed Busuri
Sawir Qaade: Mohamed Ganey

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line