• 

  BANADIR OO LAGU BARBARTAY IYO IFTIN OO IS DHIIBTAY!

Waxaa magaalda Toronto ka socda tartankii sannadlaha ahaa ee la magac baxay Somali Week Soccer Tournament.

Sanadkan ayaa waxaa tartankan kasoo qeybgalay 8 koooxood oo kala ah: Banadir, Iftin, Seif. Dixon, Hilac, Windsor, Rochester iyo Ohio.

Kooxaha Iftin iyo Banadir oo ka mid ahaa kooxaha ugu magaca dheer ee Toronto ayaa sannadkani guul darro aad u xun kala kulmay tartankani.

Kooxda Banadir ayaa kullankeedi kowaad Guul daro 3-2 kala hooyatay ciyaartii ay la yesheen Dixon. Ciyaartii labaad oo shalay dhacdayna Ohio ayaa 6-0 ku bar baratay.

Sidoo kale Iftin ayaa ciyaarteedi kowaad 4-1 Guul darro kala kulantay kooxda Ohio. Kullankii labaad ayaa kooxda Iftin ay la ciyaari lahayd Dixon FC balse Iftin garoonka wey u soo xaadari weyday, iyadoo calanka cad kor u taagtay (Is Dhiibtay) sidaana Dixon ay 3-0 (forfait) ku qaadatay.

Group B ayaa waxaa ciyaarta Semi-Finalka u soo baxay Dixon iyo Ohio oo min 6 dhibcood leh. Halka Iftin iyo Bandir ku hareen wareega 1aad.

Ohio iyo Dixon oo maanta wada ciyaari doona ayaa midkii badiya ku soo bixi doonaa kaalinta kowaad.

Dhanka Group A ayaa waxaa ugu cad cad kooxda Hilac oo ciyaartii kowaad ay 1-1 isla dhaafi wayeen Seif. Halka kullankii labaad ay 2-0 ku martay Rochester.

Hilac ayaa ilaa iyo imminka heysta 4 dhibcood iyadoo ciyaarta maanta ay foodda is dari doonaa Windsor oo leh 2 dhibcood.

Dhanka kale Seif oo leh 2 dhibcood ayaa waxay wada ciyaari doonaa Rochester oo iyadu hal dhibic wadata. Group A ayaa ilaa iyo imminka weli la ogeyn labada kooxood ee u soo gudbi doona Semi-Finalka, inkastoo oo ay ugu rajo fiican tahay Hilac.

Kala horeynta kooxaha KALA SOCO HALKAN

W/D Mohamed Busuri

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line