| 
Bahda isboortiga
iyo jaaliyadda Soomaalida ee ku dhaqan Minnesota ayaa si kal iyo laab
ah ugu soo dhaweeyay gobolka Minnesota Fannaanka caanka ah ee Soomaaliyeed
Al fannaan Cabdulqaadir Cumar Macallin Jubba oo isagu toddobaadkii la
soo dhaafay ku sugnaa gobolka Minnesota , waxaana uu si gaar ah kulan
ballaaran ula qaatay bahda isboortiga ee gobolka Minnesota.
Casho sharaf lagu soo dhaweynayay fannaanka ayaa lagu qabtay makhaayadda
bilicdasan ee Marxaba Restaurant , waxaana ka soo qaybgalay guddoomiyaha
isboortiga ee gobolka MinndesotaCabdi Cali Macallin , macallimiin iyo
cayaartooydii hore ee barisamaadka.
Ugu horreyntii waxaa halkaasi erayo soo dhaweyn ah ka soo jeediyay Macallimiinta
kala ah Axmed Daahir Axmed, Idiris Suleiman iyo C/qaadir Shiikha. ......Axmed
Daahir Axmed ayaa isagu si qoto dheer uga sheekeeyay taariikhdii fannaanka
oo ay meel ku soo wada koreen. ma ahayn oo kaliya fannaan ee waxaa uu
ka tirsanaa dhallinyaradii xaafadda ee sida aadka ah loogu dambeeyay cayaarta
kubadda cagta ,hase yeeshee C/qaadir uu ka jeclaystay dhanka fanka,waxaana
uu si gaar ah uga mahadceliyay taageeradii uu u fidiyay bahda K/koleyga
gaar ahaan cayaarihii All African Games ee lagu qabtay waddanka Tanzania....sidoo
kale macallin Idiris ayaa fannaanka ku sifeeyay inuu ka mid ahaa fannaaniintii
Soomaaliya sida aadka loogu jeclaa, waana shakhsi aad u furfuran ,u sheeko
badan, aadna ay u wanaagsan tahay xusuustiisa.
Guddoomiyaha Isboortiga ee gobolka Minnesota oo isaguna xafladda ka hadlay
ayaa ugu horreyn ku soo dhaweeyay fannaanka gobolka Minnesota iyo bahda
isboortiga , waxaana uu sheegay in isboortiga iyo fanka ay had iyo goor
ahaayeen lammaano aan kala maarmin, labaduna ay ku tallaabsadeen horumar
aad u ballaarnaa xilligii barisamaadka,dabcan fannaankan caawa aan soo
dhawaynaynana uu ka mid ahaa dhallinyaradii ku soo barbaartay UBixii Kacaanka
ee la oran jiray "UKO", markii dambena uu noqday shakhsi aad
looga daba dhacay heesihiisa oo gaaray heerkii ugu sarreeyay ee fannaan
uu gaaro, waxaana uu ka mid noqday hoboladii qaranka ee waabari.
Al fannaan C/qaadir Cumar Macallin "Jubba" oo isaguna halkaasi
erayo aad u xamaasad badnaa ka soo jeediayay ayaa ugu horreyntii jaaliyadda
soomaalida ee gobolka Minnesota iyo tan bahda Isboortigaba u mahadceliyay
..fannaanku waxaa uu si qoto dheer uga sheekeeyay taariikho faro badan
oo uu fanka ka soo maray iyo guulihii uu isboortiga Soomaaliyeed ku tallaabsaday...
horumarka iyo guusha intuba waxaa ay ku jiraan in dadku ay wax wada qabsadaan,
la iskana ilaaliyo tafaraaruqa, sidaa darteedna waxaan idinkula dardaarmayaa
dhawr arrimood oo muhiim ah oo ay ka mid yihiin inaad midowdaan oo wax
wada qabsataan iyo inaad u gargaartaan kiina dhibaataysan, waxaana uu
fannaanku tusaale wacan u soo qaatay ciyaartooy badan oo iyagu ku dhibaataysan
dalka gudihiisa iyo dibaddiisabauna baahan gacan qabasho.
Ugu dambayntii fannaanku waxaa uu ka dhawaajiyay inuu mar kastaba diyaar
u yahay wixii karaankiisa ah inuu caawiyo oo wax la qabto kuwa had iyo
jeer doonaya inay horumariyaan fanka iyo isboortiga.
By:Shiikha
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
