• 

  Toronto oo ka furmay Spring Cup 2014

Waxaa magaalada Toronto ka furmay tartankii kubadda koleyga ee dhallinyarada. Tartankani oo sannadkiiba mar la qabto ayaa waxaa ku loolama ciyaartooy dhallinyaro ah.

Tartankan ayaa sanadka waxaa si wada jir ah usoo qaban qaabiyay uuruka ILAMOS oo ay hogaaminayaan Macallim Bruno iyo Xaaji Axmed Abukar "Axmaded B" iyo uruka CYDMS oo uu horkacayay Jamaalo.

Koobkani oo loogu magac daray Toronto Spring cup 2014, ayaa waxaa kasoo qeybgalay 4 kooxood oo kala ah: Batroolka, Muqdisho, Horseed iyo Xiddigaha.

Ciyaartii furitaanka waxaa wada ciyaaray kooxda Horseed iyo Muqdisho. Ciyaartan oo aad u xiiso badnayad ayaa labadan kooxoodba soo bandhigay ciyaaar aad u farsmo wanaagsan.

Qeybtii hore ee ciyaarta waxaa ku gacan sareeyey kooxda Muqdisho oo dhowr dhibcood ka hormartay Horeed. Qeybtii labaad ayaa Horseed ay garoonka la soo gashay weerar aan kala go' lahayn iyadoo goolal isdaba joog ah halkaasi ka dhalisay. Ciyaartani ayaa waxay kusoo gabagabowday 33-32 oo ay guusha ku raacday Horseed.

Ciyaartii labaad ayaa waxaa wada ciyaaray kooxda Batroolka iyo Xiddigaha. Labadan kooxood ayaa ahaa kuwo iyagu farsamo ahaan aad isugu dhow oo aan kala liidan. Hadba wixii koox goolala lagaga hor mara ugu dambeyntii kooxda Xiddigaha ayaa 38-36 ay guusha ku raacday.

Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line