| 
Atlanta: Guddiga
Isboortiga iyo dhaqanka ee Magaaladda Atlanta ee Cariga Mareykanka ayaa
waxay qabanqaabiyeen xaflad aad iyo aad u sareysay oo loogu dabaldegaayey
sanadguuradii 71aad ee ka soo wareegatay aasaaskii Xisbigii S.Y.L. oo
ku beegneyd sanadku markuu ahaa 1943dii,Taarikhdaasi oo ah mid aan ka
tirtirmeynin quluubta Ummadda Soomaaliyeed madaama ay aheyd waqtigii la
shiday shucladii Halganka ay Ummadda Soomaaliyeed oo ay horseedayaan Xubnahii
Xisbiga ee S.Y.L. oo akhiritaankii soo hooyiyey Gobanimadii sanadku markuu
ahaa 1960kii,waxaana Xafladaasi ka soo qeyb galay Macalimiin wax ka dhigta
Jaamacadaha kala duwan ee Atlanta,Khubaro Isboorti,Ha'aydo kala duwan
oo ku mashquulsan horumarinta Bulshadda,Guddiga Jaaliyadda Soomaaliyeed
ee Atlanta,Odayaasha reer Atlanta iyo qaar ka socday Dhalinyaradda ku
nool Magaaladda Atlanta.
Waxaa ugu horeyntii khudbad Taarikhi ah ka jeediyey Gudoomiyaha Isboortiga
iyo Dhaqanka Dr. Cali Cusmaan oo u mahad celiyey xubnahii ka soo qeyb
galay oo isla markaana Casuumadii loo fidiyeyna si sharaf leh u aqbalay,waxaana
uu Gudoomiye Dr. Cali Cusmaan ka sheekeeyey halgankii ay soo galeen Xubnahii
SYL,iyagoo maanta Taarikhda Ummadda Soomaaliyeed uga jira meel Qiimaha
leh,waxaana uu la socodsiiyey ka soo qeyb galayaashii in Xisbigii SYL
iyo dhadhaqaaqa Isboortiga ay leeyihiin hadaf ku qotoma in aysan jirin
kala sareyn,taa waxa kaaga daliil ah Halkudhigii ugu horeeyey ee SYL in
uu ahaa(KANI WAA UGAAS,KANI WAA ADDON WAA IN AAN ILOWNAAYEY,ABTIRSIIMADII
HOREY WAA IN OODA KUU TUURNAAYEE) sidoo kale dhadhaqaaqa Isboortiga waxa
halkudhigiisa ugu muhimsanaa qormadaan oo afka Ingiriiska ku qoran(THE
OLYMPIC CHARTER FIGHTS ANY FORM OF DISCRIMINATION AFFECTING THE OLYMPIC
MOVEMENT).,waxaan halkaa ka daliisan karna labadaan urur ay yihiin kuwa
hal hadaf wada tiigsanaayo,waxa kaloo waxyaabaha lagu amaanaayo SYL ka
mid ahaa iyagoo lahaa Koox ku Ciyaari jirtay Magacooda oo la oran jiray
(La Squadra Lega Giovanni Soomali) oo caan ka aheyd waayahaasi Magaaladda
Muqdishu sida aan ka soo miinguuriyey Halyey Islow Maxamed Malaaq oo Isboortiga
Soomaaliyeed ku soo jiray laga soo bilaabo sanadku markuu ahaa 1950,ayuu
Dr. Cali Cusmaan ku soo gabagabeeyey warbixintiisii.
Waxa cod baahiyaha
lagu wareejiyey Gudoomiyaha Jaaliyadda Atlanta Mudane Inj. Cumar Shiikhey
oo aad ugu dheeraaday Halgankii SYL iyo guulahii ay soo hoyiyeen,waxa
uu carabka ku dhuftay in Xubnahii SYL ay ahaayeen dad aad iyo aad u dhalinyar
oo aan aqoon buuran laheyn laakiin waxa aad iyo aad u sareeyey shucuurtooda
wadaninimo,iyagoo ka fogaaday waxyaabaha Ummada Soomaaliyeed dib u dhaca
u keenay oo uu ugu horeeyo QABIILKA,taa waxay ku gaareen hadafkii ay lahaayeen
oo ahaa in Ummadda Soomaaliyeed laga dul qaado heryadii Gumeysiga halkaa
oo ay Xornimadii ku qaadanay.
Mudane Shiikhey,waxa uu aad iyo aad u amaanay Guddiga Isboortiga iyo Dhaqanka
ee Atlanta sida Dr. Cali Cusmaan,Aweys Fundi oo ka mid ahaa Halyeeyadii
u soo kifaaxay Qaranka Soomaaliyeed kana mid ah xubnaha har iyo habeen
u taagan Horumarinta Isboortiga ee Atlanta,waxa kaloo in la xuso Mudan
Halyey Cabdulqaadir xasan Cadde (Caydiid Jeenyo)oo ka mid ahaa wareeryahanadii
ugu qatarsanaa bartamihii Sideetamaadkii isagoo guulo badan u soo hoyiyey
Koxdiisii LLPP,waxaana uu ka mid yahay dhalinyaradda diiradda saartay
horumarinta Isboortiga Atlanta isagoo hadda gacanta ku haya Dhalinyaro
da'dooda u dhexeyso 8 sano-14 sano,kuwaa oo aan rajeyneyno in Mustaqbalka
dhaw ay buuxiyaan baahida Ciyaartoy ee Atlanta.
Sidoo kale waxa Xafladaasi goob joog ka ahaa CABDIRASHIID BALASTIKO oo
ka mid ahaa kooxdii Kubadda Koleyga ee Naadigii Badda isla markaana xubin
Firfircoon ka ahaa Xulka Qaranka Soomaaliyeed,Halyey CABDIRASHIID waxa
uu ka mid ahaa Kooxdii Kubadda Koleyga ee ku guuleysatay Biladii Dahabka
aheyd sanadku markuu ahaa 1979 Tartankii carabta ee lagu qabtay Magaaladda
Madaxda Soomaaliya ee Muqdishu,Halyey Cabdirashiid waxaan kula socodsiinayaa
in Ummadda Soomaaliyeed ay waligaa ku xusuusan doonto adiga iyo saaxibadii
ku guuleystay Biladda Dahabka,waxaana Taarikhda ka gasheen Baalalkeeda
Dahabiga,waxa kaloo uu Mudane Shiikhey amaan aan la koobi kari u soo jeediyey
Xubnaha Jaaliyadda ee ka soo qeyb gashay Xafladaasi sida Iikar Baana,Shariif
iyo Maxamed Shiikh oo doorweyn ka qaatay najixinta Xafladaasi ayuu Mudane
Shiikhey ku af jaray warbixintiisa.
Ugu dambeyntii Dr. Cali Cusmaan Cali ayaa waxa uu u mahadceliyey Wasiirka
Isboortiga Dr. Khalid,Agaasimaha Guud iyo Agaasimaha Isboortiga Mudane
Saacid Baariyow oo diyaar u ahaa in ay Xafladda kaga qeyb galaan khadka
Teleefoonka laakiin waxa dhacay cilad Farsamo oo aheyd in waqtiga (Saacadda)ay
saamixi weyday,waxaana idinku boorineynaa in aad halkiina ka siii wadaan
qiimeynta aad u haysaan Jaaliyadaha Soomaaliyeed iyo Kuwa Isboortiga,waxaana
ay xafladii ku soo dhamaatay si farxad leh.
|
Voice over Internet Protocol (VoIP), is a technology that allows you to make telephone calls using a broadband Internet connection instead of a regular (or analog) phone line
|
|
