• 

  Batroolka oo ku afurtay Muqdisho

Waxaa garoonka weyn ee Soccer City si xiiso leh uga socda tartankii Tuesday Ramadan Cup. Tartankani oo sannadkiiba mar la qabo ayaa waxaa sannadan kasoo qeybgalay affar kooxood oo kala ah Muqdisho, Batroolka, Jeenyo iyo Horseed.

Ciyaartii habeenimadii Talaadada la ciyaaray ayaa waxaa ciyaarta kowaad is arkay kooxda Horseed ee u hogaaminaayay Hassan Ugas iyo Jeenyo oo horjooge u ahaa Bilaajo.

Ciyaartani oo aad u xiiso badnayd ayaa Bilaajo iyo kooxdiisa ay 6-4 ugu awood sheegteen kooxda Horseed.

Ciyaartii labaad oo la wada sugayay ayaa waxaa fooda is daray Batroolka ee uu kabtan u ahaa Liban Mumin iyo Muqdisho oo abaanduule u ahaa Mohamud Dhore.

Labadan kooxood oo u muuqday kuwo isku awood ah, ayaa bilowgii ciyaartaba weerar iyo weerar celin isku qaaday.Ugu dambeyntii Liban Mumin iyo kooxdiisa Batroolka ayaa ku afuray Muqdisho iyagoo 5-6 ay guusha ku raacday.

Ciyaarihii la ciyaaray todobaadkii hore ayaa kooxaha waxay u kala badiyeen sidan tan:

Bartoolka 4-2 Horseed.

Jeenyo 4-6 Muqdisho.

Kala horeynta kooxaha: Kooxda Batroolka oo labadii kulanba badisay ayaa waxay leedahay 6 dhibcood. Muqdisho 3. Jeenyo 3 . Horseed 0.