TAARIKHDII SPORTIGA EE IBRAHM SUDANI:

Ibrahim Sudani oo la sawiran kooxda Read Sea sannadkii 1964
cayaartooyga kowaad kuwa taagan lag bilaabo midigta.

Kooxah Xooga iyo Booliska Oo Noqday Bakaal iyo Dirir
Ibrahim Sudani guushii ugu horeeysay ee uu kooxda xooga la qeybsado waxey ahayd koobkii la oran jiray SUZU.
Sannakii 1969kii markii uu curtay Kacaanka ayaa cayaartooydii u ciyaari jirtay kooxda Xooga iyo kuwii Booliska leesku daray,waxaana loo qeybiyey kooxaha 21October iyo Independence, iyadoo lagu beddelay kooxaha Xooga iyo Booliska. In muddo ah kadibna kooxaha 21 October iyo Independence waxaa laga beddelay magaca iyadoo loo bixiyey Dirir ee uu tababare u ahaa Ibrahim Waaberi iyo Bakaal ee uu ka tirsanaa IbrahimSudani tababarena u noqday Cabdixamiid.

Xulka Qaranka

Isla sannadkii 1969 ayaa Ibrahim Sudani loo magacaabay xulka kubadda cagta Soomaaliyedd. Xulkaasi waxaa tababare u ahaa tababare Talyaani ah oo la oran jiray Sergio Del Pinto. Cayaartooydi loo xulay xulkani waxaa ka mid ahaa: Jeylaani Khaliif, Iskoot (Scott), Axmed Negro, Coonka, Ibrahim Sudani, Killer, Saciid Ismaciil, Gariile, Caamir, Xussein Du’caale, Galaal, Maxuumed C.Jamac (halka Saciid Du’caale uu ku maqnaa fasax).

Aas-aaskii Kooxda Horseed

Sannadkii 1970kii ayaa la aas’aasay kooxda Horseed oo ka koobneyd cayaartooydii kooxda Bakaal iyo kuwa Dirir. Tababareyashii ugu horeeyey ee kooxdan waxey ahayeen Cabdixamiid iyo Ibraahim Waaberi. Haddaba cayaartooydii lagu aas-aasat kooxda waxaa ka mid ahaa Ibrahim Sudani, Saciid Du’caale, Ismaciil Garile, Skoot(Scott) Jeylaani Khaliif, Coonka, Xuuti, kabey, Xassan Bani, Cusmaney, Caamir, Cabdallini, Axmed Yare, Saleymaan Qambi, Saciid Ismaciil, Killer, Khalifani, Saciid Sunkar, Cabdi Kuus iyo qaar kale.

Guulahii Kooxda Horseed Intuu Cayaartooyga ahaa

Ibrahim Sudani intii uu ka tirsanaa cayaatooyda kooxda Horseed wuxuu ku guuleystay 2 horyaal sannadihii 1971-72 iyo 1972-73 iyo weliba koobkii Jeneraal Da’uud. Waqtigaasi waxaa Horseed tababare u ahaa Cali Muxsin. Ibrahim wuxuu kaloo seddax jeer oo isku xigta ku guulestay koobkii ciidamada ee Bariga iyo Bartamaha Africa sannadihii 1970, 1971 iyo 1972 . Tartamadaasi oo lagu kala qabtay dalalka Tanzania, Zambia iyo Soomaaliya. Waxaa xusid mudan in tartankan ay ka soo qeybgaleen kooxaha ciidamada ee ciyaarha kubadda cagta, kolleyga iyo kubadda laaliska iyadoo intaba ay kooxda Horseed ku wada kuuleysatay.

Ibrahim wuxuu kooxda Horseed iyo xulka qarankaba ka tirsanaa ilaa iyo sannadkii
1974ka. Bishii maarso 1974tii ayuu Ibrahim cayaaraha ka fariistay.

Waddamadii uu tababarka ku soo qaatay

1974 Jarmalka Bari. Bishii April 1974tii ayaa isaga iyo Kabey ay tababar u adeen Skuulka caanka ku ah cayaarta kubadda cagta ee la yiraahdoGerman College for Physical Culture ee ku yaala magaalada lipzig ee waddanka Jarmalka Bari. . Tababrkan oo socday muddo 8 bilood ah waxaa ka soo qeybgalay 60 Macallimiin oo ka kala yimid 24 waddan . Intii uu socday tababarkan Ibrahim waxaa loo magacaabay kaptanka kooxda macallimiinta.

Imtixaankii tababrkan Ibrahim wuxuu ku guuleestay kaalinta 1aad. Xafladii xeritaanka tababarkanna waxaa laga codsaday in uu halkaasi qudbad ka soo jeediyo, islamrkaana uu bixiyo qaar ka mid ah abaalmarinadii. Markii uu Ibrahim ku soo laabtay Soomaaliya waxaa xaflad aad u weyn u sameesay safaaradda Jarmalka ee Muqdisho, oo halkaasi ku martiqaaday guddiga kooxda horseed iyo wasaaradda sportiga. Waxaa la yaab leh in wasaaradda Sportiga aaney xitaa weydiinin un uu tuso shahaadadii uu soo qaatay iskaba daa in ay xaflad u dhigaan.

1977 Tunisia.Waddanak Tunisia ayaa Sannadkii 1977 lagu qabtay tababar loo furay macallimiinta iyo garsooreyaasha ciyaaraha kubadda cagta ee waddamada Carabta. Tababarkan ayaa waddanka Soomaaliya waxaa ugu qeybgalay Ibarahim Sudani iyo Madadaale(Garsoore).

1978 Jarmalka Galbeed. Sannadkii 1978 ayuu hadana ka qeybgalay tababar lagu qabtay waddanka Jarmalka Galbeed isagoo ka soo qaatay Shahaadada heerka 1aad ee waddanka Jarmalka Tababarkann waxaa Ibraahim ku wehliyey Cumar Canjeeste.

1992 Masar.Tababar loogu magac daray ALIT Course ee loogu talagalay tababareyaasha xulalka qaranka ee waddamada Africa ayaa lagu qabtay magaalda Cairo ee waddanka Masar sannadkii 1992 iyadoo ay Soomaaliya ugu qeybgaleen Ibraahim iyo Cabdi Budiste.

La Soco Qeybta 3aad

Qeybta 1aad.

Qeybta 3aad