Cabdullahi .X.Saalax (Macallin Tuke):
Inta taariikhda cayaaraha kubadda cagta Soomaaliyeed la xasuusan yahay ,Tuke waa cayaartooyga keliya ee ku guulestay 6 horyaal. 1954 ayuu ku biiray kooxda heerka kowaad(seriaA)Deebow(Gadiidka) .

Maxamed A.Cabdikarim(Cantar Jeenyo):
Cantar wuxuu ka mid yahay cayaartooydii aadka loogu qadderin jiry garoomada cayaaraha ee kubadda cagta, wuxuuna caan ku ahaa laadka kubadda, goolheeyaha kooxda ka soo horjeeda aad ayuu u qalqal gelin jiray.

Dr.Yusuf Mohamed Mohamud (Yusuf Shaqaaq)
Shaqaaq wuxuu ahaa lafdhabarka kooxda Jeenyo, iyadoo lagu xaasuusto No:8. Sidoo kale wuxuu xubuin firfircoon ka ahaa Xulka Qaranka.

Mukhtaar M.Ahmed (Mukhtaar Cuti)
Mukhtaar wuxuu ahaa cayaaryahan Eebe u hibeeyeey xeeladaha cayaaraha kubadda cagta. Taagerayaal badan ayaa u soo daawasho tegi jiray sidii ay u arki lahayeen siduu u xarfadeeya kubadda. Waxey ugu yeeri jireen: Tataabte, Antena

Khaliif Shire Muuse (Khaliif Ricco)
:Marka laga hadlayo xiddigaha cayaarah kubadda cagta ee dalka Soomaalia guud ahaan, gaar ahaana Gobolka Jubbada hoose(Kismayo) iyo kooxda Badda, waxaa durbadiiba soo xusuusaneysa Khaliif Ricco.

Yaxya Slaw: Seddax ka mid ah walaalihiisa waxey ahayeen cayaartooy kuwaas oo kala ah: Xassn Islow(Xassan Shiino) Hoorseed iyo Badda, Cabdicasiis Islow(Shiishow) Badda, iyo Abdirahman Islow(Bajka) FIAT (Wagad) Haddaba Yaxya waxaad modaa in uu dhaxal u leeyahay ciyaarta kubadda cagta.

Hassan Yare: Bulsha weynta Soomaaliyeed ee jecel cayaaraha kubadda cagta cayaaryahannada ay sida aadka ah u xusuustaan waxaa ka mid ah Hassan Yare(Gololey). Hassan wuxuu lagama marmaan u ahaa kooxdiisa Wagad iyo Xulka Qaranka.

Maxamed Maxamuud(Trumbo)
Trumbo wuxuu ka mid yahay cayaartooydii guusha faraha badan u soo hooysey kooxda Jeenyo iyo Xulaka Qaranka. Wuxuu ahaa cayaartooy aad u fudud, difaaca kooxda ka soo horjeedana aad u qalqalgeliya.